Amours ou trop part me sui pris

Amours ou trop part me sui pris
M'a, par sa signourie apris,
Douce Dame de Paradis
Que de vous voeuill un cant canter.

Refrain: Pour la joie qui puet durer
Vous doit on servir et amer.

Et pour çou que nus n'a mespris
Tan vers vo fill, n'en fai, n'en dis,
S'il s'ait en vo service mis
Que vous nel faciés racorder.

Virge Roïne, flours de lys,
Com li hom a de ses delis
Qui de vous amer est espris
Nus hom nel saroit reconter.

Mout fut li vaissiaus bien eslis
Douce Dame ou Sainct Esperis
Nonant mois tous entiers nouris!
Ce fut vos cuers, Dame sans per!